Оливер Стојанов е среќникот кој годинава го извлече светиот Крст од осветените води на река Брегалница во штипската населба 8ми Ноември. Меѓу стотината момчиња тој беше највешт и за прв пат успеа да го фати живототворниот крст.
„Ова ми е четврта година што се фрлам и годинава бев најбрз. Бев упорен. Му благодарам на Бога„изјави Оливер Стојанов
Традиционално еден час претходно Чесниот Крст се фрлаше и во штипско Ново Село. Таму најуспешен од триесетината фрлачи беше новоселецот Ристе Атанасов, кој девет години учествува во овој свет чин.
„Имам 33години се фрлам 9години и сега прв пат успеав да го фатам. Очекувам здравје и бериќет„ изјави Ристе Атанасов.
Од свештенството добија икона и библија, како и пригодни подароци од Општина Штип.
Изјава-Митрополит Брегалнички г.Иларион
„ Бог се јави. Честит и вечен нека е празникот. Моогу здравје, радост, благослов на сите луѓе и дај Боже во мир и спокој да го славиме и живееме„порача Митрополитот брегалнички г.Иларион
„Нека е бериќетен и благословен денешниот ден . Од годинана во година да бидеме побројни и да го славиме„порача градоначалникот на Штип Иван Јорданов
Според обичаите Светиот Крст треба да влезе во секој дом и да донесе мир и благосостојба
Александра Ристевска
