Најмалку 20.000 Палестинци се убиени во Газа откако Израел почна да ја бомбардира територијата по нападите на Хамас на 7 октомври.
Во просек, речиси 300 луѓе се убиени секој ден од почетокот на конфликтот, со исклучок на седумдневниот прекин на огнот, тврди Министерството за здравство на Газа, управувано од Хамас.
Регионалниот директор на службите за итни случаи на Светската здравствена организација (СЗО), Ричард Бренан, вели дека овие бројки за жртви ги смета за веродостојни.
Броењето на мртвите е предизвик во секоја воена зона, а лекарите во Газа велат дека бројот на загинати најверојатно ќе биде многу поголем бидејќи не ги вклучува телата закопани под урнатините на уништените згради или оние кои не се однесени во болници.
