Израелските одбранбени сили соопштија дека само во саботата нападнале најмалку 200 локации на Хамас во Појасот Газа. Огнено оружје, експлозивни направи и друга воена опрема биле пронајдени во неколку станови што ги користи Хамас во населбата Шеџаја во Газа. Пронашле и тунел од 15 метри, кој подоцна бил уништен во воздушен напад.
Четворица Палестинци загинаа во воздушни напади врз кампот Нур Шамс на Западниот Брег. Израелските медиуми јавуваат дека нападите биле извршени откако израелските војници кои дејствуваат во областа биле нападнати со експлозивни направи.
Во текот на ноќта израелските одбранбени сили го бомбардираа и градот Деир ал Балах, при што загинаа неколку луѓе, а има извештаи за израелски воздушни и артилериски напади врз јужната општина Бани Сухаил источно од Кан Јунис.
