Десетици палестински цивили загинаа, а стотици се ранети во израелски воздушни напади врз станбени згради во јужниот и централниот дел на Газа, како и бегалски кампови, во последните 24 часа, соопшти палестинската агенција ВАФА.
Според извештаите, околу 45 цивили биле убиени во бегалскиот камп Џабалија во северниот дел на Газа, а неколку жртви биле и во бегалскиот камп Ал-Нусеират во централниот дел на Појасот Газа.
Во воздушните напади на израелската армија врз Кан Јунис, на југот од Појасот Газа, беа погодени станбени згради, а поради големиот број повредени, зголемен е притисокот врз болниците, каде што нема доволно кревети, лекови и медицински материјали.
Закана од Хамас: Нема заложници без исполнување на барањата
Портпаролот на Хамас изјави дека Израел нема да ги добие живите заложниците без размена, преговори и исполнување на барањата на групата.
Израел вели дека во Газа се уште има 137 заложници, додека активистите велат дека околу 7.000 Палестинци се во израелските затвори.
Катар продолжува да посредува во обид да се ослободи повеќе заложници, но премиерот, шеикот Тамим бин Хамад Ал Тани, рече дека „за жал, тој не ја гледа истата подготвеност да преговара како што беше случајот пред неколку недели“.
