Ќе останат ли СДСМ сами за претстојните избори? По најавата за излегување од владата на партијата на Таравари, се поставува прашањето дали и другите коалциони партнери на Ковчаевски размислуваат за напуштање на политичкиот брак или пак за дали би коалицирале и по изборите со социјал-демократите.
Од ЛДП и ДОМ не одговорија на прашањата на Алфа. Но ако останат доследни на нивните политики и барања, особено оние за една изборна единица, си стои дилемата дали сакаат да коалицираат со партија која им ветила тоа што го бараат и не го исполнила.
Несогласувања, особено на паријата на Морачанин, односно ДОМ, со политиките на Ковачевски имаше на повеќе теми. И ЛДП бараше една изборна едница, и тие извисија. Се пореално е дека од таквите очекувања нема да има ништо, бидејќи се бликжат изборите, а на 6 месеци пред одржување на истите, изборниот законик не смее да се менува.
И партијата на Зајкова не се согласуваше со законот за аменстија. И од ЛДП останаа неми на прашањата дали ќе останат со СДСМ и дали би коалицирале со Ковачевски постизборно.
Само од НСДП се одважија да одговорат. Од партијата на Мисовски, кој е и еден од потпретседателите на Законодавниот дом, велат дека тие се лојален коалиционен партнер.
За претстојните изботи НСДП ги отпочна разговорите со нашиот коалиционен партнер СДСМ. Како партија бевме кредибилен и лојален партнер во коалицијата. На престојните претседателски избори идејата е да поддржиме единствен кандидат кој што ќе ги застапува и промовира европските вредности. За истиот принцип ќе се залагаме и за парламентарните избори, велат од НСДП.
Претходно Демократски сојуз, односно Трајанов ја напушти владината коалиција заради францускиот предлог, а последната изјава на Таравари беше и повод дел од аналитичарите, но и поранешни пратеници да излезат со став дека Алијанса сака да се спаси од бродот што тоне и затоа ја напушта коалицијата. А излегување од политичкиот брак со Ковачевски можеме да очекуваме и од други партии.
Сега пред изборите може да очекуваме и многу други партии да го направат тоа. Јас претпоставувам дека на СДСМ сега ќе им се случи бродолом, ќе почнат да им бегаат многу коалициони партнери и тоа ќе се случува се повеќе. Оти сфатија тие дека следниот мандатар е Христијан Мицкоски и тој ќе ја составува владата, рече Трајче Димков – поранешен пратеник (15.11.2023).
Сеуште останува неодговорено прашањето дали евентуалниот пораз кој според анкетите го очекува СДСМ, ќе се обидат да го амортизираат со заеднички листи со ДУИ за парламентрните избори, и со заеднички кандидат за претседателските.
