Талат Цафери не се откажува – собраниската седница за уставните измени останува закажана за 18 август, односно за овој петок, и покрај тоа што власта е далеку од потребното дво-третинско мнозинство. Од кабинетот на Џафери за Алфа потврдуваат дека 120-те пратеници треба да го скратат одморот и во петок да се соберат на пленарна седница.
Како што налага Деловникот за работа, сите 120 народни избраници најпрво треба да се изјаснат за предложениот дневен ред, кој се носи со 61 глас ЗА. Потоа Џафери отвора претрес односно дебата која може да трае до десет дена. Во овој период пратениците имаат право да излезат на говорница и да говорат по 20 минути, а координаторите по 30 минути. Истото можат да го прават и по повеќе пати во текот на десетте дена.
Потребата и отворањето на Уставот за измени се носи со двотретинско мнозинство, односно за тоа треба да гласаат 80 пратеници, ви спротивно постапката не може да продолжи. Веќе е повеќе од јасно дека опозициските пратеници се против вметнување на Бугарите во Уставот. Предметките на владата покажале дека фалат 8 пратеници, но според шпекулациите глас за уставните амандмани нема да дадат некои пратеници и од владејчкото мнозинство.
А додека го нема 2/3 мнозинство спикерот најави дека точката нема да се најде на гласање.
- „Тоа го предвидува Деловникот, а го покажува и праксата претходно од слични иницијативи за уставни измени, затоа што Собранието одлучува доколку го има потребно мнозинство за одлучување. Во тие рамки, не можам да претпоставам што и како ќе се случува, но формално Собранието ќе почне со расправа на 18 август, а чинот на гласање дали ќе биде по завршување на расправата или ќе биде одложено, зависи од конкретната состојба на деновите во кои тече расправата“, рече Џафери на 27.07.2023.
Пратениците ВМРО-ДПМНЕ стојат на ставот дека нема да гласаат за уставните измени, а дали ќе учествуваат во собраниските процедури дополнително ќе се изјаснат.
- „Уставните измени под бугарски диктат нема да поминат. Нека престанат со комбинаторики единствен логичен излез, по падот на легитимитетот на оваа власт во петок ќе бидат предвремени парламентарни избори“ рече Наум Стоилковски – Портпарол на ВМРО-ДПМНЕ.
Уставните измени се однесуваат на додавање делови од народи во преамбулата и во членовите 49 и 78 од Уставот при набројувањето на деловите од народите во земјата. Новиот текст на преамбулата би гласал:
- „Граѓаните на Македонија, македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите“, по зборот бошњачки народ, се става запирка и се додава: бугарскиот народ, хрватскиот народ, црногорскиот народ, словенечкиот народ, еврејскиот народ и египетскиот народ.
Уставните измени со впишување бугарскиот народ се обврска што беше преземена од Македонија со прифаќањето на Францускиот предлог и отпочнување на преговорите со Европската Унија.
Викторија Миткова
