Грција пред се, потоа Турција, Шпанија, Италија, Малта и други подалечни дестинации беа вообичаена практика на дваесеттина илјади битолчани секое лето, но пандемијата си го стори своето и сега владее голема неизвесност во конзулскиот град, дали, каде, како и кога да се користи годишен одмор. Први кои го почуствуваа ударот од мерките се туроператорите кои си имаат свои гајлиња и многу прашалници, пред отворањето на границите.
- Тешкиот период ќе продолжи и понатаму. Значи, колку и да има интерес ова лето з апатување, сепак, летната сезона не може да биде како обична сезона и не ќе можеме да застаниме на здрави нозе- рече Маја Мицевска од ТА “Теотравел“. – нема да биде како што беше и ќе го нема оној масовен туризам со огромен број на патници да патуваат и сега малку се свртивме кон домашниот туризам- рече Никола Митревски од ТА “Ариес“.- Она што го имавме како информација од нашите партнери во грција, објектите таму с евеќе подготвени и имаат изготвени здравствени протоколи што ќе мораат да се почитуваат- рече Елизабета Кочева Јосифовска од ЈК Травел.
Мерките што ги понуди техничката влада не се доволни, но сепак, барем засега, ниту една туристичка агенција не се откажува од понатамошна работа и нема да ги зголемуваат цените.
- Искористивме дел од мерките што ни ги понуди државата кои објективно ни беа потребни како најпогодени, но сите знаеме дека мерките се слаби, можеби и најслаби на Балканот, но толку е и силата на оваа држава- рече Митревски.- Нашите клиенти најмногу беа заинтересирани з аваучерите и речиси сите ги подигнаа, а малку мина ги откажаа аранжманите рече Јосифовска.- ја искористивме мерката за 14. 500 денари плата по вработен, но во однос на кредитите, бевме одбиени за кредитот Ковид- 1- рече Мицевска.
Во Битола има 21 туристичка агенција и за нив добриот абер доаѓа од грчките партнери кои за уплатените аранжмани им нудат можност евентуално да ги искористат идната година, ако не можат сега. Најнеизвесен е ризикот за евентуално заболување од ковид- 19, бидејќи не постои никаква осигурителна клаузула.
Петар Стефановски
