Бројот на заразени од корона вирусот во светот достигна речиси 2 и пол милиони, над 170 илјади починале, а бројот на оздравени надминува 650 илјади.
На врвот, во овие црни статистики е САД, со околу 800 000 луѓе инфицирани од вирусот и над 40.000 смртни случаи.
Црни статистики и во Франција, каде досега смртните случаи од КОВИД-19 надмина 20.000. Во Шпанија бројот на мртви од вирусот изнесува 20,852 а во Италија 24,114.
И покрај тоа што во светот се уште се води битка против овој вирус, голем дел од земјите подготвуваат планови за олабавување на мерките, а дел од нив веќе и почнаа со враќањето на нормалниот тек на животот, особено во делот на економијата.
