Скандал при изборот на доставувач на колективна храна во неколку општински институции ја тресе штипската локална самоуправа, тврдат опозициниерите.
Со документите што ги презентираа обвинуваат дека градоначаланикот во изминатите две години наместил тендери и фирмата на неговиот чичко успеала да инкасира 5милиони денари. Обелоденуваат дека белите пецива кои ги производува фирмата Де лукс се на менито во сите градинки и јавни претпријатија..
Крајно недозволиво е институции основани од Општина Штип чии директори се назначени директно од градоначалникот, да склучуват милиониски договори со фирма која е во сопственост на членови на неговата фамилија. Еве ќе посочам само неколку градинката Астибо,Вера Циривири-Трена, ЈП Исар и уште многу други-изјави Јорданов.
Побаравме одговор и од градначалникот. За скандалот се обрати со соопштение во кое наместо да образложи како се избираат доставувачите на храна во јавните институции , тој удри по првиот опозиционер во градот.
Го повикуваме и го поддржуваме Иван Јорданов да не се крие позади неговата безидејност како носител на јавна функција, сите дилеми коишто ги има слободно да ги расчисти преку институциите на системот.
–Патем речено го повикуваме по втор пат јавно да каже како неговиот брат во два наврати на слични постапки добил концесија за ординација во Здравствен дом „Панче Караѓозов“.
(инаку во ЗДравствениот дом има постојано празни ординации, па не знам дали да го пуштиме вториот дел од соопштението)
Документите денес ќе бидат доставени и до антикорупционерите, кои ќе треба да се изјаснат дали во овој случајот штипскиот градоначалник ја злоупотребил својата функција.
Александра Ристевска
