Градоначалникот на Општина Битола Тони Коњановски пушти во употреба ново младинско катче и кариерен центар во средното економско училиште „Јане Сандански“ во Битола.
Станува збор за нов современ простор, креиран во духот на иновациите и младинскиот активизам, а во функција на образовниот процес, информираа од Општина Битола.

-Проектот е резултат на ангажманот на учениците и во тесна соработка со професорот Целе Јолевски. Посакувам овој простор да биде катче каде што гласот на младите ќе се слуша погласно, каде што тие слободно ќе ги споделуваат своите иновативни идеи, ќе ја развиваат својата креативност и ќе прераснат во активни чинители на општеството – истакна градоначалникот Коњановски на денешната свеченост во училиштето „Јане Сандански“.
Во СОЕУ „Јане Сандански“ Битола од денес почна со работа и Кариерниот центар како модел на современо образование за младата генерација.

