Европската централна банка предупреди за високи ризици кај инвестициските фондови и можни потреси на финансиските пазари.
Во најновиот извештај се наведува дека високите вредности на акциите на компаниите поврзани со вештачката интелигенција, задолжувањето и неизвесноста на пазарите би можеле да предизвикаат загуби што ќе се пренесат и врз банките.
Од Европската централна банка велат дека банките се во добра позиција да издржат потреси, додека ранливостите се поизразени кај одредени небанкарски институции, каде што ризиците растат, а заштитните механизми за финансиска стабилност се помалку развиени.

