Реклама

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Македонија

Прилепската Итна помош доби три нови амбулантни возила

Службата за итна медицинска помош при Општата болница во Прилеп доби три…

Сподели:
Фото: Алфа Вести

Службата за итна медицинска помош при Општата болница во Прилеп доби три нови амбулантни возила од владината набавка за службите за итна медицинска помош во земјава. Возилата се целосно опремени и веднаш ќе бидат ставени во функција, со цел побрзо и поефикасно згрижување на пациентите.

Директорот на прилепската болница, д-р Кире Јоноски, истакна дека новите амбулантни возила имаат целосно вградена медицинска опрема, за разлика од претходните адаптирани возила, и се наменети за потребите на пациентите од Прилепскиот Регион.

Опремата вклучува дефибрилатор, кислородна поддршка, апарати за мониторирање на состојбата на пациентите, како и средства за имобилизација при скршеници и други повреди, вклучително и повреди од сообраќајни несреќи.

Реклама

-Ова ќе биде олеснување за пациентите, побрза дијагноза, третманот може веднаш да почне во возилото – посочи Јоноски.

Прилепската Служба за итна помош располага и со шест постари амбулантни возила, кои се подложни на чести дефекти и поправки, како и со уште две помали возила. Новите три амбулантни возила треба да придонесат за подобро покривање на потребите на населението во Прилеп, како и во општините Кривогаштани и Долнени.

Д-р Боше Милошески, началник на Службата за итна помош – Прилеп нагласува дека  секоја брза интервенција за пациентите е можност за спас на нивниот живот. 

-Ова е голема помош за работата на Итната медицинска помош. Многу ќе ја олесниме медицинската работа, но најмногу добиваат пациентите. Некогаш секунди и минути се пресудни за животот на пациентите. Следно што е потребно за службата е доекипираноста и со лекари и со медицинска помош. Во моментов недостасуваат 4 лекари, 8 медицински сестри и 6 возачи за амбулантните возила. Радува најавата дека ќе се зголеми медицинскиот кадар – рече Милошески.

Прилепскиот градоначалник Дејан Проданоски нагласи дека Општината се заложува и дава логистичка поддршка на секое доопремување во прилепската болница.

-Секоја помош како локална самоуправа ја поддржуваме. Ги искористивме сите релации со централната власт за да помогнеме – рече Проданоски при денешното официјално претставување на трите нови амбулантни возила за Службата за итна помош при Општата болница во Прилеп.