– Универзитетот „Св. Климент Охридски“ Битола, член на европската универзитетска Алијанса КОЛОРС, промовира нов број од студентскиот билингвален магазин УКЛО КОЛОРС, издание што го подготвуваат менторирани студенти, како и списанието Калеидоскоп, публикувано на десет европски јазици.
Универзитетскиот професор д-р Рената Петревска – Нечковска, раковотел на Хабот за тројна транзиција: социоекономска, зелена и дигитална при УКЛО, истакна дека во студентскиот магазин партиципираат студенти со различен профил.
-Во студентскиот магазин УКЛО КОЛОРС вклучени се менторирани студенти со стручни професори. Третиот број е на 65 страници, а студентите партиципираат како креатори на написи, преведувачи, лектори и графички дизајн. За академскиот аудиториумо го промовираме и списанието Калеидоскоп, кој е на десет европски јазици, вклучувајќи го и Македонскиот јазик – нагласи Петревска – Нечковска.
Во рамки на европската универзитетска Алијанса КОЛОРС, Универзитетот „Св. Климент Охридски“ се вклучи и во манифестацијата „Недела на виртуелно патување“ се одржува под мотото „Обединети во различноста“ и се одвива во текот на целиот месец ноември.

