Реклама

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Енергетска криза во Европа – експертските поддржуваат активирање на сите домашни капацитети за стабилни цени во Македонија

Семакедонска средба во Штип – борбата за идентитетот и правата продолжува

Изградбата на автопатот Кичево-Охрид оди според планот, се најавува негово пуштање во мај следната година

Македонија

Минчев: Транспарентноста, отвореноста и отчетноста мора да станат природен начин на работа на институциите

Министерот за јавна администрација, Горан Минчев, денеска на конференцијата „Од заеднички приоритети…

Сподели:
Фото: Алфа Вести

Министерот за јавна администрација, Горан Минчев, денеска на конференцијата „Од заеднички приоритети до конкретни заложби“ го претстави националниот акциски план за Партнерство за отворена власт за периодот 2026–2028 година, кој е резултат на повеќемесечен процес на консултации, дијалог и заедничка работа меѓу институциите и граѓанските организации.

Минчев истакна дека отвореното управување не смее да се сведе на формална обврска, туку мора да стане суштински принцип на функционирање на институциите, препознатлив преку транспарентното одлучување, отчетноста и непосредното вклучување на граѓаните во креирањето на јавните политики.

-Граѓаните со право очекуваат достапна, професионална и ефикасна администрација, која обезбедува квалитетни јавни услуги и навремено одговара на нивните потреби. Но, подеднакво важно е институциите да бидат транспарентни во своето работење, да ги образложуваат одлуките и да создаваат можности граѓаните да учествуваат во креирањето на јавните политики – нагласи министерот.

Реклама

Националниот акциски план опфаќа четири приоритетни области: спречување на корупцијата, граѓански простор и учество, дигитално управување, како и климатски промени и животна средина. Предложените заложби се насочени кон поголема транспарентност и јавен надзор врз користењето на јавните ресурси, унапредување на граѓанското учество и полесен пристап до податоци од јавен интерес.

Посебен акцент, како што рече, бил ставен на значењето на интегрираниот пристап кон отвореноста на државата, преку трите нејзини компоненти – Отворена влада, Отворен парламент и Отворено судство. Министерот посочи дека транспарентноста и отчетноста се заедничка одговорност на извршната, законодавната и судската власт и дека отворена држава може да се гради единствено преку координирана институционална посветеност.

Минчев ја истакна и улогата на граѓанските организации во процесот на ко-креирање на јавните политики, нагласувајќи дека вистинското партнерство подразбира отвореност кон различни мислења, аргументи и искуства, со цел да се дојде до решенија што се истовремено потребни, правно засновани и институционално остварливи.

-Вистинското партнерство не подразбира секогаш да имаме идентични ставови. Тоа подразбира подготвеност да ги слушнеме различните аргументи и заеднички да дојдеме до подобри и поодржливи решенија – нагласи министерот.

Според него, во претстојниот период, процесот ќе продолжи со финализирање на предложените заложби, усогласување на преостанатите прашања и подготовка на Планот за усвојување, планирано до крајот на 2026 година.

-Отвореноста не треба да биде дополнителна обврска на институциите. Таа треба да стане нивен природен начин на работа, препознатлив во секоја одлука, секоја услуга и секој однос кон граѓаните. Нашиот следен предизвик е заедничките заложби да ги претвориме во резултати, резултатите во трајни подобрувања, а тие подобрувања во поголема доверба на граѓаните во институциите – заклучи Минчев.

Министерството за јавна администрација ќе продолжи да ја обезбедува потребната координација и институционална поддршка, во соработка со институциите носители, Советот за Партнерство за отворена власт и граѓанските организации, со цел да се обезбедат континуитет во спроведувањето и транспарентно следење на постигнатиот напредок.