Во општина Пробиштип денеска се одржа последната, завршна форумска сесија, на која беа презентирани предлозите од граѓаните кои се прифатени и ќе бидат вклучени во годишните програми и буџетот за 2027 година. Во соопштението од општина Пробиштип се вели дека по повеќегодишна пауза, повторно од Општината го отворија процесот на директно учество на граѓаните во креирањето на општинските политики и утврдувањето на приоритетите за работа.
-Согласно предлозите и идеите, најмногу барања беа искажани во областа на комуналната инфраструктура, но беа доставени и голем број на предлози од останатите области, како локалниот економски развој, образованието, културата, спортот, социјалната заштита – соопштуваат од општина Пробиштип.
Градоначалникот на општина Пробиштип, Тони Тоневски вели дека на денешната форумска сесија, преку ваков пристап, преку отворен дијалог и размена на идеи, можат заеднички да се препознаат реалните потреби и да се донесуваат одлуки во интерес на сите граѓани.
Општината упатува и голема благодарност до сите граѓани кои зедоа активно учество на форумските средби, ги споделија своите идеи и дадоа конкретни предлози.
