Новата програма за работа и буџетот на Општина Демир Хисар за 2027 година ќе го креираат и граѓаните на таа општина, информираа од тамошната локална самоуправа.
Граѓаните, здруженијата, месните заедници, јавните институции и другите формални и неформални групи на граѓани, идеите и предлозите за програмите за работа и локалниот буџет може да ги доставуваат до крајот на месецов, посочија од Општина Демир Хисар.
Јавниот повик е во функција на востановена традиција за транспарентна општина и се реализира врз основа на процедура за вклучување на граѓаните во процесите на донесување одлуки, процедурата за планирање, изработка, донесување и реализација на годишни оперативни програми, како и процедура за планирање и донесување на буџетот на Општината.
Советот на Општина Демир Хисар, новиот буџет за 2027 година треба да го донесе најдоцна до 31 декември оваа година.
