Со доделување орден и две предавања за мода и кулинарство, денеска на Универзитетот „Гоце Делчев“-Штип се одбележа Недела на италијанскиот јазик. Амбасадорот на Република Италија, Паоло Палминтери присуствуваше на предавањето и истакна дека учесниците ќе зборуваат за италијанската храна и мода, но и за тоа колку неговата земја придонесува во иновациите и модерната технологија.
-Овој ден ќе биде посебен, затоа што на професорката Караникиќ-Јосимовска ќе и биде доделен орден за заслуги за нејзниот придонес во односот на културата помеѓу двете земји. Јас сум особено задоволен од распросратентоста на италијанскиот јазик во оваа земја. Постојат повеќе од 40 училишта-средни, во кои може да се изчува италјанскито јазик. Покрај тоа тука се и катедрите во Штип и Скопје, каде што може да се продолжи изчувањето на академско ниво. Исто така задоволен сум и од културните активности што ги организира амбасадата, кои што се прилично посетени, а покрај тоа заслуга има и македонската заедница во Италија, која што допринесува за уште поголемо ширење на италијанскиот јазик и култура – рече Палминтери.
Професорката Ева Ѓорѓиевска објасни дека престижната награда „Флајано“ се доделува во Италија повеќе од половина век, но годинава за првпат ја освојуваат македонски авторки, меѓу кои е и самата таа.
-Наградата „Флајано“ се доделува на меѓународна манифестација во Пескара, почнувајки од пред 53 години, во категории: кино, журнализам, литература и останати уметнички експресии. Во поткатегорија Лука Атанасијо италијанистика, започнува да се доделува од пред 25 години и станува збор за награда која за првпат е доделена на македонски авторки, во меѓународна конкуренција на светско ниво. Останатите добитници се од Канада и Египет. За нас тоа претставува едно признание за нашата работа и поттик за вложување во литературата и културата-изјави Ѓорѓиевска.
