Незадоволството од високите трошоци за живот, опаѓањето на куповната моќ и политичката ситуација повторно извадија илјадници луѓе на улиците во европските градови. Протести се одржаа во Франција, Белгија, Италија и Шпанија, при што дојде до судири со полицијата, употреба на солзавец и бројни приведувања.
Речиси 1.000 лица се приведени по новиот бран масовни протести во Франција. Градови под блокада, речиси 5.000 легитимирани лица и 371 приведен, меѓу кои 110 малолетници, како и тензии и судири на неколку плоштади, се билансот од уште еден тензичен ден за јавниот ред и мир низ Италија.
Во Барселона повторно беа уапсени стотина демонстранти по немирите што избувнаа за време на протестот. Белгиската полиција употреби солзавец и бибер-спреј за време на протестите во Брисел, организирани во знак на поддршка за младите и против реформите во образованието, но и против полициското насилство за време на претходните демонстрации.
