Подобри услови во училиштата и студентските домови, бесплатно образование и пониски кирии побараа вчера илјадници граѓани во Грција на протестите во Атина, Солун, Патра, Лариса, Волос, Јанина, Крит… На младите им се придружија родители, синдикати и вработени во јавните служби, поврзувајќи ги проблемите во образованието со растечките трошоци за живот.
Грчката министерка за образование, Софија Захараки, пред протестите изјави дека ги слуша барањата на студентите и го призна притисокот што трошоците за домување го создаваат врз домаќинствата. Таа посочи дека се реализираат проекти вредни повеќе од 733 милиони евра за изградба на нови студентски домови и подобрување на постојните објекти.
