Средби со успешни професионалци ќе ги инспирираат средношколците да ги препознаат своите интереси и таленти и да ја градат својата образовна и професионална иднина во Македонија. Младите добија можност одблизу да ги запознаат претприемачките предизвици, да слушнат успешни прикази и да ги согледаат реалните потреби на пазарот на труд.
„Да им помогнеме на учениците да се ориентираат кон нивните амбиции, ова вмрежување придонесува за развој на економијата во државата, а ние како Влада во последното законско решение ги вметнавме професионални советници во основно и во средно стручно образование.“– вели министерката за образование и наука Весна Јаневска.
Надлежните се повеќе вложуваат напори да ги поттикнат учениците да се насочат кон дефицитарните професии. Преку конференции, стипендии и подобрување на условите во образованието, целта е полесно да изберат професија и да одговорат на потребите на пазарот на трудот.
„Овие две ипол години направивме многу, го зголемивме буџетот за науката, објавивме огромен број на проекти во вредност од 6 милиони евра, смарт специјализација, национални проекти и ја вклучивме и бизнис заедницата. Средства за меѓународни конгреси, пристап до Web of science , зборници печатење и се што опфаќа научно истражувачка дејност, стипендии за деифицитарни професии и вложуваме во науката“- вели Јаневска.
Конференцијата „Мојата професија на иднината – Знаење, вештини и можности“ организиран од Агенцијата за иновации се одржува веќе втора година по ред. Организаторите им даваат можност на младите да се запознаат со успешни претприемачи одблиску и да ги охрабрат да започнат свој бизнис.
