Општина Новаци ќе им ја плати школарината на сите студенти од Општина Новаци од прва година, запишани на државните универзитети, прв циклус на студии.
Од тамошната локална самоуправа информираа дека со финансиската поддршка на идните бруцоши продолжува веќе востановена пракса на Општина Новаци.
-Со оваа мерка продолжуваме да вложуваме во младите, образованието и иднината на нашата општина. Заедно вложуваме во знаење. Заедно градиме иднина, истакна граадоначалникот на Општина Новаци, Стевче Стевановски.
Како што е познато, Општина Новаци, еднократна финансиска поддршка во висина од 6.000 денари додели на сите ученици во основното образование, а по 10.000 денари за секое прваче кое што беше запишано во училиштата на подрачјето на општината.
