Алтернативата за Германија оствари убедлива победа на покраинските избори во германската покраина Саксонија-Анхалт со 43,8 проценти од гласовите, но не успеа да освои апсолутно мнозинство. ЦДУ претрпе тежок пораз, завршувајќи на второто место со само 17,2 проценти од гласовите. Покраинските избори во Саксонија-Анхалт му донесоа сериозни проблеми на германскиот канцелар Фридрих Мерц и на неговата Христијанско-демократска унија (ЦДУ). Од редовите на Унијата веќе се слушаат првите повици за негова оставка.
Победата на АфД предизвика поделени реакции меѓу европските политичари – од честитки и оценки дека резултатот е сигнал за промени, до предупредувања дека станува збор за загрижувачки развој.
