Во првата половина од следната година автопатот од Кичево до Охрид треба да биде во целост завршен. Патното поврзување на државата и забзрување на изградбата на автопатите кои беа запрени во минатото, како и поврзување со нови делници, од Владата велат дека се приоритет. Вицепремиерот и министер за транспорт Александар Николоски во Извор кичевско беше на работен состанок со директорот на јавното претпријатие за државни патишта Коце Трајановски. Тие оценија дека се работи со силна динамика на изградба на автопатот до Охрид. Потенцираа дека се решаваат сложени инженерски проблеми.
„Силна координација и силна динамика на терен. Автопатот се гради со предвидената динамика и сите комплексни задачи се реализираат со постојана координација помеѓу Министерството за транспорт, Јавното претпријатие за државни патишта и изведувачите. Ја градиме Македонија“, стои во објавата на Николоски.
Посветеноста за целосно автопатско поврзување на државата по оските исток-запад, север-југ треба заврши со целосна изградба на патните правци Тетово – Гостивар и Гостивар – Букојчани, а следниот месец ќе започне со поврзување на Букојчани до Кичево. Во октомври се пушта во употреба уште една делница од автопатот Кичево-Охрид, а целиот автопат Кичево-Охрид-Струга е планирано да се заврши во првиот квартал од следната година, потенцираше Николоски во обраќањето по повод 25 годишнината од потпишувањето на рамковниот договор. За неколку дена ќе започне со изградба и автопатот Скопјe-Блаце. Паралелно се гради и автопатот од Прилеп до Битола. Покрај патен, паралелно мора да се развива и железничкиот сообрајќај по истите коридори.Во соработка со Европската Унија, следната година започнува изградбата на првата фаза од железничката пруга Скопјe – Јегуновце-Тетово – Гостивар, втората фаза Гостивар – Кичево и третата фаза Кичево – Охрид – Струга, со што се гради еден дел од киродорот 8, додека пак истиот ќе заврши со железничкото поврзување со Бугарија. Паралелно се работи на брза пруга до Грција, со што железничкото поврзување на државава во двата правци ќе биде во целост завршено.
