А како малку проблеми да имаат гостиварчани, па сега уште треба да се занимаваат со рафални стрелби за време на свадба, но и со групна тепачка на сред улица.
На социјалните мрежи се појави вознемирувачко видео на кое се гледа како поголема група млади луѓе се тепаат на улица, а едно од нив паѓа во несвест откако е удрено со клоца во главата. И во таква состојба, кога момчето не се помрднува, друго лице му приоѓа и со силни удари крши дрвена прачка од неговиот грб.
Полицијата работи на идентификација и пронаоѓање на напаѓачите на момчето во Гостивар.
„На 2 август во 22 часот, 22-годишниот А.В. пријавил дека претходната ноќ, во 2 часот по полноќ, тој и неговиот пријател биле физички нападнати од три непознати машки лица на возраст од околу 25 години. Според пријавеното, истите при нападот користеле разни тврди и дрвени предмети. Известен е дежурен јавен обвинител и се работи на идентификување на сторителите и расчистување на случајот“, велат од МВР.
