Промотивен настан за унапредување на вработувањето засновано на заслуги, интегритет и компетенции во јавниот сектор ќе се одржи денеска во Скопје, во организација на Министерството за јавна администрација и Мисијата на ОБСЕ во државава.
На отворањето на настанот ќе се обратат министерот за јавна администрација Горан Минчев и шефот на мисијата на ОБСЕ во Скопје Килијан Вал и ќе биде прикажано промотивно видео за вработување засновано на заслуги, интегритет и компетенции во јавниот сектор.
МЈА најави дека во рамки на настанот ќе се одржи панел-дискусија „Унапредување на вработувањето засновано на заслуги, интегритет и компетенции во јавната администрација, како и презентации на новата рамка за вработување: Правилникот за работните компетенции на административните службеници и Прирачникот за спроведување на интервју базирано на компетенции за вработување на административни службеници, како и патоказ за имплементација и следните чекори за примена на новата рамка за вработување и практична примена на новата рамка за вработување во јавната администрација.
