Огномети, паради, концерти. Со повеќе манифестации низ САД се прославуваат 250 години од независноста. Кулминација на прославата ќе биде политичкиот митинг во Вашингтон, кој го организира претседателот Доналд Трамп.
Прославата тој ја оцени како „неговиот најспектакуларен митинг досега“, што ќе биде придружен со воздушно шоу на американските воздухопловни сили и голем огномет. Традиционално, на 4 Јули во Вашингтон се собираат илјадници Американци. Политичките опоненти од редовите на демократите го обвинија Трамп дека ја претворил прославата во политички настан.
Во говорот во предвечерието на прославата, Трамп нагласи дека ниту една земја не направила повеќе добро во светот од Америка. Ги повика Американците да ги заштитат своите слободи од „комунистичката“ закана од прогресивните членови на Демократската партија и нагласи дека ќе ја направат Америка посилна и поголема од кога било.
