Ја задавил поранешната сопруга, ја однел во шума, ја покрил со гранки и листови, па ја пријавил за исчезната. Потоа на сон му се јавила и му кажала каде да ја бара. Ја пронашол и веднаш ја известил полицијата. Ова се новите детали за грозоморното убиство на 48 годишната жена во Таор.
Осмничениот со автомобил ја зел жената од нејзиното работно место, ја однел во шума во Летевци каде што ја нападнал и и го одзел животот. Со едната рака ја давел додека со другата истовремено и ги притискал носот и устата. Жената и покрај сите напори да се одбрани се задушила.
„На 27 јуни, на тројца познаници им кажал дека знае каде се наоѓа жената, бидејќи му се појавила во сон и му кажала каде да оди за да ја спаси. Сите со возило се упатиле кон локацијата каде го забележале телото на жената и пријавиле во полиција.“- пишува во соопштението на ОЈО.
Од МВР соопштија дека телото било пронајдено во фаза на распаѓање, а по извршената обдукција потврдено е дека станува збор за убиство. Од Обвинителството дополнително посочуваат дека јавниот обвинител оценил дека постојат околности кои укажуваат на опасност од бегство и поради тоа на осомничениот му е определена мерка притвор.
„Прифатен предлогот и определна мерка притвор од 30 дена против С.Г., осомничен за кривично дело Убиство чл. 123 ст.2 т.3 ( при семејно насилство ). Предлогот е прифатен заради постоење на основите од точка 1,2 и 3 односно опасност од бегство, влијание врз сведоци и сторување ново кривично дело.“- велат од Основен кривичен суд Скопје.
Инаку уште во петокот 50 годишниот маж ја пријавил жена му за исчезната, а веднаш утредента пријавил дека ја пронашол починатата во тешко пристапна шума. По полниќ, во неделата, полициски службеници пошле на пријавената локација и го нашле телото на починатата.
