СДСМ и ДУИ и од опозиција не придонесуваат никако за реформските процеси и со своите постапки продолжуваат да ги блокираат законските решенија кои се дел од Реформската агенда, се наведува во соопштението од ВМРО-ДПМНЕ.
На СДСМ и ДУИ треба да им биде јасно дека станува збор за реформи кои се во интерес на граѓаните и на државата, а не за партиски прашања.
Затоа е јасно дека со ваквото однесување СДСМ и ДУИ не и мислат добро на Македонија, а граѓаните тоа добро го препознаваат.
СДСМ и ДУИ 7 години беа на власт и не испорачаа никакви реформи, а денес од опозиција повторно одбиваат да ги поддржат и на тој начин се обидуваат да ги закочат процесите.
Наместо да придонесат кон побрза реализација на реформите и исполнување на обврските што државата ги има преземено, СДСМ и ДУИ здружени пак во опозиција избираат политички блокади.
ВМРО-ДПМНЕ нема да дозволи таквите обиди да го забават реформскиот процес. Сите законски решенија предвидени со Реформската агенда ќе бидат донесени во утврдениот рок, затоа што интересот на Македонија и исполнувањето на реформските обврски се над партиските калкулации и нема да дозволиме обидите за собирање на политички поени на СДСМ и ДУИ да го спречат напредокот на државата.
