Од првиот ден ја презедовме обврската безбедноста да биде највисок приритет. Изминатите две години се соочивме со бројни безбедносни предизвици, но покажавме дека со посветеност, интегритет и меѓународна соработка, може да се постигнат видливи резултати, рече утрово министерот за внатрешни работи Панче Тошковски.
Тошковски, кој дава отчет за сработеното во изминатите две години, напомена дека МВР ги зајакна институционалните капацитети и ја унапреди борбата против организираниот криминал и корупцијата.
-Инвестиравме во опрема, обуки и нови технологиии. Денешниот отчет не е само изнесување бројки, туку е фактичка потврда за трудот и професионалноста на полициските службеници и сите вработени во МВР. Свесен сум дека пред нас има уште многу работа, безбедноста е процес што бара многу посветеност. Затоа, ќе породолжиме со иста енергија, јасна визија и определба да изградиме современо МВР кое ќе одговори на предизвиците, потенцира Тошковски.
Според него, да се биде припадник на МВР не е само професија, туку чест и одговорност.
-Остануваме секојдневно во служба на граѓаните и државата. Нашата цел е безбедна држава, стабилен систем и силни институции, истакна Тошковски.
Министерот дава отчет за сработеното во Центарот за обука во Идризово. И во оваа прилика, осврнувајќи се на секој сегмент од полициското работење, тој порача дека нема недопирливи и селективност, без разлика на функцијата, позицијата и работното место.
-Само со почитување на законите и еднакво постапување за сите, ќе постигнеме резултати, подвлече Тошковски.
Видеото може да го погледнете на следниот линк:
