Во организација на кабинетот на поранешниот претседател на Македонија, Ѓорге Иванов и школата за млади лидери, која што е основана токму од негова страна, денеска и утре во Скопје се одржува меѓународна конференција „Дијалог за единствно и мир“. Дел од темите за кои се разговара на оваа конференција е и евроспката иднина, безбедносната состојба во регионот, но и многу други теми.
Токму иднината на евроинтеграциите на Македонија, плановите на ЕУ за следниот период, но и самата конференција, гостин во вестите на Алфа во 20:15 беше поранешниот министер за надворешни и европски работи на Хрватска, Миро Ковач. Тој упати пофалби до поранешниот претседател на Македонија, за самата организација на оваа конференција.
-Најпрво да го пофалам претседателот Иванов за организацијата на оваа конференција, за она што го прави кога станува збор за дијалогот, меѓу народите, државите, цивилизациите. Тоа се однесува и на неговиот син, кој е многу активен, кој многу добро го модерираше панел. Сметам дека ваква конференција е многу важна, ние мораме да разговараме, само ако разговараме, можеме едни на други да влијаеме. Ако не разговараме тогаш правиме некакви теории на заговор, кој, како, зошто, треба да се разговара, затоа ја поздравувам оваа конференција, која ја организира поранешниот претседател Иванов, изјави Ковач.
Според него ЕУ треба и да се прошири, но и реформира.
-Лично сум за ширење на Европската Унија, но мислам дека е пореалистично, дека тоа едноставно може да се случи ако Европската Унија се реформира. Ни треба поголема, реформирана Европска Унија, која е пофлексибилна, која ќе овозможи да има повеќе нивоа на членство, ако некои држави сакаат да се во Еврозоната, во шенгенска Европска Унија, одлично. Можеби некои земји тоа не го сакаат, значи да имаме поголема флексибилна Европска Унија, која е помалку догматична, значи ни треба попгратична и помалку догматична Европска Унија, изјави Ковач.
На Македонија и порачува дека нејзиното место е во големото европско семејство.
-Сметам дека би требало многу повеќе да се ангажираат кога станува збор за Македонија, сметам дека Македонија е запоставена, дека е ускратена и дека треба да се направи се што е возможно, како би се пребродил тој спор и како внатре во таа поголема, пофлексибилна, попрагатична Европска Унија, и на крајот на краиштата конечно внатре, во членството да се најде и нашата пријателска Македонија, изјави Ковач.
Со Миро Ковач разговараше Матеја Петровски
