Нов ден, нови прозивки од опозициската СДСМ за две години Влада. Партијата со истата реторика повтоно ја напаѓа власта дека сиромаштијата расте, а платите стагнираат. Пратеничката Тренчевска оценува дека има нула исполнети ветувања.
„Нема ништо од ветувањата на ВМРО за зголемен животен стандард, за повисоки плати, за достоинствен живот на социјално ранливите категории на граѓаните Македонскиот работник живее потешко, социјално-ранливите граѓани се заборавени од државата, пензионерите изманипулирани.ВМРО ветуваше инфлација од 2,5%. Денес инфлацијата е 4,8% и е речиси двојно повисока од ветувањето.“- вели Јована Тренчевска, пратеничка и потпретседателка на СДСМ.
Тренчевска зборува за животен стандард, а граѓаните од СДСМ паметат само двоцифрена инфлација и осиромашување, возвратија од ВМРО- ДПМНЕ. Од таму велат дека по 7 годишното владеење на социјалдемократите била наследена осиромашена држава, заглавена во огромни долгови. Денес велат се опоравуваме од погрешните политики.
„Просечната нето-плата од 2024 година до денес е зголемена за близу 8.000 денари, односно за 19,6%, додека инфлацијата е стабилизирана.Зголемени се пензиите, како и платите на здравствените работници, просветните работници и вработените во одбраната и полицијата.Стапката на невработеност е намалена од 12,5% на 11,3%, додека стапката на вработеност е зголемена од 45,6% на 46,5%.“- велат од ВМРО-ДПМНЕ.
Од партијата додаваат дека владините политики даваат резултати и придонесуваат за подобрувањето на животниот стандард, а Македонија бележи и раст на БДП од 3% и се вбројува меѓу побрзорастечките економии во Европа.
