Македонската држава рамноправно учествуваше во обновата на разрушениот свет и самостојно со крвта на 100.000-ци илјади борци се избори за слободата која денес ја имаме. Херојската борба против фашизмот не сплоти, ни даде легитимитет како народ да се самопределиме. Ова е пораката која претседателката на државата Гордана Силјановска Давкова ја исрати по повод 11 Октомври од свечената академија на која е покровител.
,,Нас никој не не ослободи, сами се ослободивме, со помош од над 110.000 илјади народно ослободителна војска на Македонија, нам никој не ни ја подари државата, сами се изборивме за неа. За нас, антифашистичката беше и истовремено и народноослободителна војна во која дадовме 24.000 жртви,, кажа Силјановска Давкова.
Сонот на илинденците, борбата на партизаните за слобода треба да бидат поттик но истовремено и одговорност за развој на државата за идните генерации, додаде Сиљановска порача дека е крајно време младите својата иднина ја гледаат дома рамноправно без било какви предрасуди и дискриминации.
,,Изминативе 33 години ние се боревме за признавање на независноста и добивање заслужено место во европското семејство и во меѓународните организации, за зачувување на мирот и градење демократија. Борбата за нашите правдини, но и за правна држава, продолжува, нагласува Сиљановска Давкова.,, истакна Сиљановска Давкова
На свечена академија присуствуваше државниот врв, претседателот на владата, дипломати како и претставници на верските заедници. Мицкоски нагласи дека Владата посветено, чесно и одговорно ќе продолжи да работи за повторно да ја врати државата во рацете на граѓаните преку конкретни реформи, проекти и промени кои се клучни за рестарт на институциите и на системот.
,,Народниот дух на пркост и непокор кој беше демонстриран на тој 11 Октомври трае и ден денес, тој е движечка сила за промени и подобро утро. Тоа е мислата која не влече напред, дека секогаш може и мора подобро.Ако нашите дедовци имаа за цел да ја ослободат државата, нашата цел е да ја развиеме Македонија,, стои во статусот на Мицковски
11 октомври е ден кога македонскиот народ вооружено се крена против окупаторските завојувачи и ја започна борбата за слобода и самостојност.
Даниел Ѓорѓевски
