Агенцијата за Храна и ветеринарство затвори дванаесет угостителски објект. Единаесет од нив служеле пијалоци или храна, но не биле регистрирани како угостители, додека пак дванесетиот клуч е за оператор кој имал 15 килограми непрописно чувана храна и истата е безбедно уништена. Кај уште еден оператор на храна е најдена непрописно чувана храна во тежина од три килограми, но тој поминал со парична глоба и уништување на храната. Седумдесетте инспекциски контроли утврдиле и други неправилности.
Кај 18 оператори е констатирано дека вработените немаат задолжителни здравствени прегледи, додека кај 5 објекти не биле спроведени мерки за дезинфекција, дезинсекција и дератизација, соопштија од „АХВ“.
Во соопштението од АХВ се додава и дека се изречени 30 парични казни во висина од 7.750 евра во денарска противвредност како и наредби за отстранување на неправилностите.
Но, инспекторите кај останатите сендвичари, ќебапчилници, пицерии, слаткарници и кафетерии не користеле загадена вода.
Инспекторите констатираа дека кај сите контролирани објекти забраната за пиење и миење садови се почитува, односно за работните процеси се користи пакувана и безбедна вода, како и прибор за еднократна употреба“, додаваат од „АХВ.
АХВ апелира до граѓаните и бизнисите да продолжат со почитување на забраната за водата од градскиот водовод со цел намалување на бројот на заболени лица.
