Трагедија го потресе и Тетово. 10-годишно момче трагично го загуби животот откако падна од балконот на стан на Индустриска улица во градот.
Според полициските информации, утринава во Тетово било пријавено дека во Клиничката болница во Тетово било донесено дете без знаци на живот. Според првичните сознанија, детето, кое имало здравствени проблеми, паднало од терасата на станот.
За настанот родителите биле известени од сосед, по што веднаш го однеле детето во болница. Лекар констатирал смрт. По наредба на јавен обвинител, телото на починатото дете е предадено на обдукција. Надлежните институции преземаат мерки за целосно расчистување на случајот.
