Тринаесетата пленарна сесија на ПС на ПСЈИЕ што се одржа од 21 до 23 јуни 2026 година во Софија, Бугарија во рамките на бугарскиот претседателство со ПСЈИЕ 2025-2016, а на која учестуваше Делегација на Собранието во состав: претседателот на Собранието, Африм Гаши, како и пратениците Петар Ристески и Илир Демири заврши со усвојување на Завршна декларација.
Во амандманската дискусија што следеше во однос на Завршната декларација, пратеникот Петар Ристески имаше дискусија при што истакна дека ограничувањата поврзани со престојот на возачите во меѓународниот патен транспорт создаваат проблеми во секојдневното работење на транспортните компании од регионот, соопшти собраниската прес-служба.
Тој нагласил дека е потребно изнаоѓање одржливо решение кое ќе овозможи непречено извршување на професионалните обврски, при истовремено почитување на безбедносните и миграциските правила на Европската унија.
-По дискусииите, пратениците прифатија компромисен амандман кој е дел од Завршната декларција, со кој се бара од властите на сите земји – учеснички на Процесот на соработка во Југоисточна Европа, европски и не – европски, заедно да пронајдат заедничко прифатливо решение за сите транспортни и логистички прашања во Шенгенскиот регион и во регионот на Југоисточна Европа, стои во соопштението.
Од собраниската прес-служба додаваат дека на крајот пратениците се согласиле дека со цел унапредување на работата на ПС на ПСЈИЕ мора да се дејствува во правец на интензивирање на комуникациите во рамките на Бирото на Собранието, да се има поголема координација на активностите и ставовите на Собранието, како и да се подобри ефективната координација на работата на Генералните комитети.
