Панче Тошковски го партизирал Министерството за внатрешни работи, непотистички вработувал службеници, ги штител полицајците поврзани со трагедијата во Кочани, системот „Сејф сити“ казнувал селективно. Ова се само дел од тврдењата на „Левица“ во интерпелацијата доставена до Собранието.
„Сто пати повторена лага не станува вистина“ – одговори на интерпелацијата Панче Тошковски. Многу манипулации, лаги, клевети и нечовечки напади. Според министерот, резултатите на МВР се докажуваат со бројки и факти, па затоа опозицијата прави обиди да се закочи процесот на расчистување со криминалот, корупцијата и долгогодишната неказнивост што, како што рече, се практикувала во минатото“, изјави Димитар Апасиев.„
„Удирајќи по мене, удирате во институција која за првпат по 30 години покажа дека законот важи еднакво за сите и особено стигна до оние што мислеа дека се недопирливи, а тоа е поранешната власт на ДУИ и СДСМ, оние што грабаа и оставија пустош зад себе… Затоа оваа интерпелација не ја доживувам како суд за мојата работа, туку како уште еден очаен обид за собирање некој евтин политички поен – порача Тошковски.
Од СДСМ го обвинија Тошковски дека не обезбедил безбедност на граѓаните и заштита на жртвите од насилство.
Министерот направи споредба дека во 2022 година по брза постапка биле изречени три мерки, додека во 2026 година досега имало 43.
Ова е трета интерпелација за министерот Тошковски и втора од Левица. Интерпелација за неговата работа претходно имаше поднесено и ДУИ.
