Партискиот претседател Димитар не се согласува со премиерот Ковачевски. Законот за амнестија кој од Владата пристигна во Собранието и ќе се гласа по скратена постапка, ќе добие амандмани од владејачката партија СДСМ. Тоа што премиерот и неговите министри го напишале на владина седница, ќе се менува по барање на првиот човек на партијата СДСМ.
–И јас имав свој став во однос на законот и на тоа дека пратеничката група на СДСМ веднаш ќе поднесе амандман штом ќе влезе во процедура законот, за да не постои можност да бидат вклучени одредени лица во дел на оваа амнестија. Исто така постојат и други мислења кои што ги искажаа одредени политички партии во однос на овој закон, изјави Ковачевски.
Слично како и за новиот Кривичен законик, ниту за овој немаше никаква дискусија. За кривичниот дека не биле консултирани се пожали републичкиот обвинител Љубомир Јовески, за овој пак првиот човек на Судски совет Сашко Ѓоргиев.
–Само ќе истакнам дека искрено очекувам да има една целосна транспарентност во смисла на тоа од кои причини, ефектите би бил донесен овој закон. Очекувам да бидеме еве вклучени во некој дел од целата таа процедура со свое мислење како Судски совет, како судска фела, изјави Ѓоргиев.
Опозицијата веќе најави дека доколку Владата се обиде да му залепи европско знаменце на овој предлог зкакон тие ќе го напуштат Собранието. Според потпретседателот на ВМРО-ДПМНЕ Александар Николоски е очаен договор за спас на криминалците и една партија. Најави дека опозицијата ќе стори се што е во нејзина моќ да го блокира донесувањето на овој како што го нарече штетен закон.
Матеја Петровски
