Со подземни тунели под Илинденска, да се поврзе новиот Клинички центар со болницата „8 Септември“ и ПЕТ ценатарот. Идејата на Владата е новиот објект на државаната клинка, да се изгради кај платото пред спортскиот центар „Борис Трајковски“. На овој начин ќе се добие поефикасно функционирање на здравствениот систем, побрзи дијагностики, операции, со еден збор, поквалитетна здравствена услуга за сите граѓани во Македонија, на едно место.
„Во меѓувреме размислуваме и за голем клинички центар, кој во Скопје би требало да се изгради. Разгледуваме една локација. Тоа е локацијата пред базенот „Борис Трајковски“ бидејќи таа локација е на два булевари, пристап до гас, блиску до обиколницата, што значи не само за главниот град и Македонија како држава туку може од соседните држави да привлекуваме пациенти, кои ќе ги користат услугите на овој, би рекол, како што е нашиот план, ултрамодерен клинички центар“, изјави Христијан Мицкоски – претседател на Владата на Македонија
Земјиштето каде што треба да никне новиот Клинички центар, моментално е во приватна сопственост, но од Владата уверуваат дека веќе се водат разговори со сопственикот за негово превземање. Ако се оди по планот, новиот клинички центар треба да почне да се гради на почетокот на 2027 година. Граѓаните кои веќе навикнаа да чекаат со децении нов Клинички , велат дека крајно време е да се стави ред во функционирањето за здравствениот систем и поголема пристапност до здравствените услуги.
И за медицинските работници од внатрешноста на Македонија, изградбата на нов Клинички центар е повеќе од потребна. Велат дека старите клиники се стари и нефункционални. Според нив, новиот центар треба да овозможи побрза дијагностика, полесен транспорт на пациентите и поефикасна организација на работата.
„Во светот постојат одлични такви центри во поголемите светски градови. И ние треба да се стремиме да бидеме подобри, на едно место пациетнтот да добива брза ефикасна дијагноза. Третман, затоа што сега имаме неправилен и недобар распоред со здравствениот кадар. На едно место имаме хирурзи, немате анестезолог, на друго место имате еден ортопед или во однос на другите гинеколошки гранки“, изјави Лилија Чолакова Дервишова специјалист по семејна медицина.
Мицкоски најави дека продолжува и реализација на изградбата на Клиничката болница во Штип, заедно со медицински факултет и студентски дом, како и Клиничката болница во Тетово и Здравствен дом со проширена дејност во Кичево.
Изминатите 9 години, се сменија шест министри за здравство, имаше шест локации во игра и 6 фирми изведувачи, но наместо нов Клинички центар, претходната Влада ја остави Македонија со обврска за да плаќа пенали за она што требаше само да го спроведе.
