Реклама

Алта банка повторно функционира и со експозитура во Скопје, овозможена и исплата на плати и придонеси

Никола Јанкуловски избран за претседател на Лекарската комора

Академик Владо Камбовски со детали за новиот КЗ со кој конечно треда да се стави ред во правниот хаос

Мицкоски ја разобличи хистеријата на Филипче: Владата на СДСМ и ДУИ барала влегување во деловни односи со Алта

Собранието го донесе вториот ребаланс на буџетот за 2026 година

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Претседателот Трамп ја номинира Кристи Мекормик за нова амбасадорка на САД во Македонија

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

Економија

ЈПДП: На коридорите 8 и 10 д во декември лани се работело на 11 моста и 10 натпатници, ангажирани 2.098 работници

Во изградбата на автопатите на коридорите 8 и 10 д, што ги…

Сподели:
Фото: Алфа Вести

Во изградбата на автопатите на коридорите 8 и 10 д, што ги гради американско-турскиот конзорциум „Бехтел и Енка“, во декември 2025 година биле ангажирани 2.098 работници, како и 1.269 вкупна опрема, покажува извештајот од надзорот за прогрес на работите за декември 2025 година, објавен на веб-страницата на Јавното претпријатие за државни патишта (ЈПДП). 

Според извештајот, во декември лани на изведувачот му се исплатени 1.180.803.394 денари. 

На терен вршени се земјени работи на делниците Тетово – Гостивар, Гостивар – Букојчани и Прилеп – Битола. Работите опфаќаат расчистување на теренот, отстранување хумус и ископ на неподобен материјал, ископ на материјал од засеците на трасата и обезбедување материјал за работите преку транспорт и насипување. На местата на кои е потребно преземени се мерки за заштита на косините. Заклучно со минатата година, изведени се над 5 милиони кубни метри ископ и 1,6 милиони кубни метри насип.

Во извештајот е наведено и дека во декември се работело на 11 моста, 10 натпатници и четири потпатници. Заклучно со крајот на 2025 година, изведени се 21.350 метри коловоз, а за конструкции се изведени 63.000 кубни метри бетонски работи. 

Реклама

Во текот на 2025 година на конзорциумот „Бехтел и Енка“ исплатени му се вкупно 147 милиони евра. За годинава планирани се 103 милиони евра.