Собранието го изгласа дневниот ред на 111.седница по што започна поставувањето пратенички прашања до премиерот и министрите од страна на пратниците од опозицијата.
Претходно, дневниот ред на седницата беше дополнет со предлог-закони за изменување и дополнување на законите за студентски стандард, за супервизија на осигурување, за автокампови и за енергетика по скратена постапка.
Пратениците од опозицијата реагираа, бидејќи, како што кажаа, текстот на предлог-законот за изменување и дополнување на законот за автокампови по скратена постапка им бил доставен два часа пред почетокот на седницата, а текстот на предлог-законот за изменување и дополнување на законот за енергетика им бил доставен завчера попладне.
Не помина предлогот од пратениците од ДУИ Предлог-законот за соодветна и правична застапеност да се симне од дневниот ред.
