Ураган од трета категорија, наречен Идалија, ја погоди Флорида и предизвика огромни штети. Локалните власти велат дека вакво невреме не ја погодило оваа американска држава во последните сто години.Повеќе од 400.000 луѓе останаа без струја откако ураганот Идалија го зафати западниот брег на Флорида, пред да продолжи кон Џорџија. На видеата се гледа разорната моќ на природна катастрофа, уништени куќи, превртени автомобили, поплавени улици…
Како што јави Би-Би-Си, ветрот дувал со брзина од 200 километри на час, а претседателот на САД, Џо Бајден предупредил дека бурата и понатаму е многу опасна, иако ураганот по поместувањето е преквалификуван како тропска бура.
Засега нема информации за жртви, но „Би-Би-Си“ пренесува неофицијални информации дека двајца мажи загинале во судири предизвикани од намалената видливост поради силниот дожд.
