Три лица загинаа, а петмина беа ранети, вклучително и двегодишно дете, во пукање на фестивалот на храната во Сиетл, САД.
„Еден осомничен е приведен“, изјави Кејти Вилсон, градоначалничката на Сиетл.
Две лица загинаа на фестивалот, а третото лице им подлегна на повредите во болница, изјави помошник-шефот на полицијата во Сиетл, Тајрон Дејвис.
Полицијата веќе беше присутна на фестивалот, па затоа реагираше брзо, додаде Дејвис.
„Тие преговараа со еден од напаѓачите, кој веднаш се предаде, додека еден од осомничените е во бегство“, рече полицискиот началник.
Прамила Џајапал, конгресменка од Сиетл, го нарече нападот „бесмислено насилство“.
На местото на нападот, во близина на познатата кула „Спејс Нидл“, се одржуваше голем фестивал на храната кога, околу 18 часот по локално време, се слушнаа истрели.
„Пред да побегнеме, слушнавме истрел. Најпрво помисливме дека е огномет, а потоа сите почнаа да трчаат покрај нас“, изјави Ник Бејтон за телевизијата KIRO-TV, како што пренесе CBS News.
Друг очевидец раскажа дека истрчал низ градината и се спуштил ниско за да се скрие.
„Сите почнаа да трчаат, па и ние едноставно почнавме да трчаме.“
„Одлучивме да трчаме заедно со луѓето што бараа засолниште. Беше навистина страшно“, рече Лин Колс.
