Во Клиничката болница Тетово денеска беше презентиран проект за темелна реконструкција, проширување и модернизација на установата, во присуство на министерот за здравство, Сашо Клековски, претставници на Светската банка и други институции.
Проценетата вредност на инвестицијата е околу 74 милиони евра, а конечниот финансиски модел ќе се утврди по завршувањето на анализите. Проектот опфаќа реконструкција на хируршкиот и интернистичкиот блок, изградба на нови објекти, набавка на современа медицинска опрема и целосно уредување на болничкиот комплекс.
Инвестицијата треба да обезбеди подобри здравствени услуги за околу 252 илјади жители од Полошкиот Регион, со пократко време на чекање и помалку упатувања во скопскиот Клинички центар.
