Неколку лица се повредени во земјотресот со јачина од 5.5 степени според Рихтеровата скала што утрово ја потресе јужната турска провинција Адана, јави државната телевизија „ТРТ-Хабер“.
Претставникот на локалната власт во градот Џејхан, округот Адана, рече дека неколку луѓе се повредени откако скокнале од тераси или прозорци како резултат на паниката предизвикана од земјотресот. Има и материјална штета, има пукнатини на некои објекти.
Земјотресот, како што објави Европскиот медитерански сеизмолошки центар, го погодил регионот на градот Адана во 8 часот и 44 минути по локално време. Потресот бил на длабочина од 10 километри.
ОДЈАВА Тоа е се во овие вести. Многу повеќе во 14 и 30.
