– Општина Бутел денеска распиша јавен повик за доделување финансиски средства од буџетот на општината во износ од 4.000.000 денари, информираат од локалната самоуправа.
Како што прецизираат, средствата се наменети за финансирање на програмските активности на спортските клубови кои функционираат на територија на општина Бутел.
-Спортските клубови кои ќе изразат интерес за доделување на финансиски средства треба да ги исполнат критериумите објавени во јавниот повик, посочуваат од Општина Бутел и додаваат дека локалната самоуправа промовира политики за поддршка на спортот и постојано вложува во развој на сите спортови.
