Нова важна алка во железничкиот сообраќај. Со пуштањето во функција на железничката обиколница околу Скопје, надлежните очекуваат побрз транспорт, намалување на метежот и подобро поврзување на земјава со регионалните коридори.
Ќе значи многу за движењето на коридор 10 и тоа првин од еколошки аспект. Видов коментари дека не влегувале карго возовите во Скопје и тоа е делумно точно и тоа пред 30-40 години кога првпат била изградена оваа обиколница тоа било така. Но, со девастирањето и со пропаѓањето кое што го направија СДСМ во неколку нивни влади на државата за жал овок Коридор не се користеше. – изјави Александар Николоски, вицепремиер и министер за транспорт.
Се работи и на забрзување на протокот на граничните премини, наскоро на железничкото поврзување меѓу Македонија и Грција ќе профункционира ,,One Stop Shop” – сите формалности ќе се завршуваат на едно место.
Со тоа Македонија ќе биде поатрактивна за карго сообраќај. Тоа е добро и за Гевгелија затоа што Коридорот 10 поминува токму тука низ градов и уште еден проект кој заеднички го сработивме, многу ќе помогне и за Гевгелија, тоа е дека воведовме „ONE STOP SHOP“ на железничката граница помеѓу Македонија и Грција. – изјави Николоски.
Ова се само дел од инвестициите во железничката мрежа. Неодамна беше пуштена во употреба делницата од Куманово до Бељаковце, а сега се работи на поврзувањето на Бељаковце со Крива Паланка, дел од коридорот 8. Се работи на модернизација на пругата кон Кичево со план таа во иднина да се поврзе со албанската граница. Паралелно се работи и на воведување на градскиот воз во Скопје кој треба да ги поврзе сите приградски населби и значително да го подобри јавниот транспорт во метрополата. Најамбиционзен проект треба да биде изградбата на брза пруга долж коридорот 10 односно.
