Автопатот кон Охрид се гради со забрзана динамика. За неколку месеци ќе треба да биде завршен најсложениот дел од автопатот во должина од 10 километри. Се завршува третата галерија, а привршува и работата на тунелите. По завршување на оиве зафати, се очекува уште позасилена работа за целосно завршување на оваа автопатска делница.
„Две можам да кажам дека се целосно завршени и на третата интензивно се работи. Паралелно се работи на стабилизација на земјиштето, на довршување на мостовите како и на довршување на двете цевки на тунелите“, изјави Вицепремиерот и Министер за транспорт Александар Николоски
На оваа делница од автопатот ќе биодат изградени и најдолгите тунели во Македонија, додека пак градбата на галериите, Николоски вели дека се инженерско чудо.
„Едната цевка во должина од 2 километри, другата во должина од 2 километри и 100 метри што се како што кажав најдолги тунели во Макеоднија, а галериите прв пат од овој тип се изведуваат не само во Македонија туку во целиот регион. Ова беше најнапметното и најдоброто решение за стабилизација на земјиштето, за да ја заштитиме трасата да имаме безнбедно решение, овие инженерски чуда коишто се позади нас беа најдоброто решение“, дополни Николоски.
Забрзаната динамика за изградба на автопатот од Кичево до Охрид е само една делница која се гради во државата. Паралелно тече изградбата на автопатот од Пирлеп до Битола, а наскоро ќе започне и изградбата на автопатот кон Блаце, со што Македонија во целост ќе ја оправда улогата крстосница на најзначајните европски коридори. Покрај автопатите се работи на железничкото поврзување на Макеоднија со соседите., Следната година се очекува да започнат градежните работи на брзата поруга од коридорот десет, додека пак паралелно се гради и железничкото поврзување со Бугарија.
