Над 60.000.000 денари вложуваме во големи и значајни проекти во населеното место Скопје Север. Големата градежна офанзива се одвива со силна динамика. Она што беше барање на граѓаните на Скопје Север – го реализираме, соопшти попладнево градоначалникот на општина Бутел, Дарко Костовски, на неговата Фејсбук-страница.
– Денес ја завршивме реконструкцијата на вториот крак на улицата Боро Менков. Реконструкцијата ги опфати и тротоарите, како и паралелните паркинзи. Ги реконструираме и сите пристапни патеки до зградите. Со оваа реконструкција се опфатени зградите на улиците Боро Менков, Костурска, Лазо Москов, Гоце Стојчевски. Наскоро ќе се реконструира и улицата Костурска заедно со двата големи паркинг – простори и пристапни патеки. Исто така, за првпат ќе се изгради и тротоар за безбедно и непречено движење. Ова е најголемата градежна офанзива која се одвива во Скопје Север – пишува во објавата на градоначалникот Костовски на Фејсбук.
Видеото може да го погледнете на следниот линк:
