Не не чудат лицемерието и двојните аршини на СДСМ, кои со настаните во Гостивар повторно излегоа на површина. СДСМ недела дена креира хаос во јавниот медиумски простор, со цел креирање заблуда кај граѓаните за надлежностите и вистинските одговорни лица за загадената вода во општина Гостивар, се наведува во соопштението од ВМРО-ДПМНЕ.
Водоводните системи и контролата на квалитет на водата за пиење е под надлежност на локалната власт и тоа СДСМ многу добро го знаат.
Затоа ги прашуваме, како на СДСМ до сега не им текна да бараат оставка и кривична одговорност за случувањата во Гостивар од градоначалникот Валбон Лимани, како најповикан и најодговорен за целата ситуација.
Или пак, двојните аршини повторно стапија на сила кога се работи за нивни кадри, лица блиски до СДСМ или пак поддржани лично од претседателот на партијата, Венко Филипче.
Затоа што, Филипче на последните локални избори силно го поддржаа и ги повика, и така малку останати членови и симпатизери, на СДСМ да го поддржат Лимани, за на тој начин да станат дел од локалната власт.
Или сега дојде тешкото, па СДСМ се прават како да имаат амнезија.
Ако сакаат СДСМ да повикаат на одговорност за Гостивар, ги упатуваме одговорноста да ја лоцираат онаму каде што се наоѓа, а тоа е во нивните редови и во луѓето кои силно ги поддржаа.
