Министерот за спорт Борко Ристовски денеска организираше прием за македонската тенисерка Лина Ѓорческа, по нејзиниот историски настап на Вимблдон.
Ристовски истакна дека Ѓорческа испишала нова страница во македонскиот спорт, станувајќи првата македонска тенисерка која настапила во главната фаза на најпрестижниот светски тениски турнир.
„Ова не е само личен успех на Лина, туку успех и гордост за цела Македонија. Со својата упорност, дисциплина и пожртвуваност таа покажа дека македонските спортисти можат рамноправно да се натпреваруваат со најдобрите во светот“, порача министерот.
Тој нагласи дека Министерството за спорт ќе продолжи да обезбедува поддршка за спортистите кои со своите резултати достојно ја претставуваат државата на меѓународната сцена, со посебен акцент на развојот на индивидуалните спортови и создавање подобри услови за младите спортски таленти.
